મિશન 2022: ભાજપ વિધાનસભાની ચૂંટણીનો રોડમેપ-રણનીતિ ઘડશે

કેવડિયા ટેન્ટસિટીમાં આજથી ત્રણ દિવસીય પ્રદેશ કારોબારી 

સંરક્ષણ પ્રધાન રાજનાથસિંહના હસ્તે ગુજરાત ડિજિટલ કનેક્ટ પ્રોજેક્ટનું લોન્ચિગ,750 હોદ્દેદારોને ટેબલેટ અપાશે

અમદાવાદ : ગુજરાત વિધાનસભાની ચૂંટણી જીતવા ભાજપે તડામાર તૈયારી આરંભી દીધી છે જેના ભાગરુપે કેવડિયા કોલોની ખાતે ભાજપની પ્રદેશ કારોબારી મળશે. આવતીકાલથી શરૂ થનારી પેપરલેસ પ્રદેશ કારોબારી હશે. ત્રણ દિવસીય કારોબારીમાં મિશન-2022ના લક્ષ્યાંક સાથે ભાજપ વિધાનસભાની ચૂંટણીનો રોડમેપ તૈયાર કરશે.

આ ઉપરાંત સરંક્ષણ પ્રધાન રાજનાથસિંહના હસ્તે ગુજરાત ડિજિટલ કનેક્ટ પ્રોજેક્ટનું લોન્ચિગ પણ કરવામાં આવશે. સ્ટેચ્યૂ ઓફ યુનિટી ખાતે ટેન્ટ સિટીમાં ભાજપની પ્રદેશ કારોબારી મળી રહી છે. આ બેઠકમાં વિધાનસભાની ચૂંટણીમાં કેવી રીતે પ્રચાર કરવો, કયા મુદ્દોઓને લઇને પ્રજા વચ્ચે જવુ, વિરોધીઓને કેવી રીતે માત આપવી, 27 વર્ષની સત્તાને કેવી રીતે બરકરાર રાખવી

કેન્દ્ર અને રાજ્ય સરકારની વિવિધ યોજનાને લોકો સુધી કેવી રીતે પહોંચાડવી તે એંગે આખીય રણનીતિ ઘડવામાં આવશે. સોશિયલ મિડિયામાં ય ભાજપના સાંસદો, ધારાસભ્યો,નેતાઓ,સંગઠનના હોદ્દેદારો ઉપરાંત કાર્યકરોએ કેવી રીતે એકટિવ રહેવુ તેની પણ સમજ આપવામાં આવશે.

કોરોનાની બીજી લહેરમાં આરોગ્યની કથળેલી પરિસિૃથતીને લઇને કોંગ્રેસ ચૂંટણી મુદ્દો બનાવે તેવી સંભાવના છે ત્યારે તેની સામે કેવી રીતે રાજકીય જવાબ આપવો તે અંગે પણ હોદ્દેદારોને માર્ગદર્શન આપવામાં આવનાર છે.  આ વખતની પ્રદેશ કારોબારી પેપરલેસ હશે. ભાજપે તમામ ધારાસભ્યો,સાંસદો અને હોદ્દેદારોને ટેબલેટ આપવામાં ાવશેય ગુજરાત ડીજીટલ કનેક્ટ પ્રોજેક્ટ અંતર્ગત 750 હોદ્દેદારોને ટેબલેટ આપવામાં આવશે.

હવે આ ટેબલેટથી ધારાસભ્યો,સાંસદોે જનહિતના શુ કામો કર્યા તે જોવા મળશે. કમલમથી ધારાસભ્યો,સાંસદો છે તે લોકેશન જોઇ શકાશે. ટેબલેટ પર મેસેજ કરી આગામી પક્ષના કાર્યક્રમ અને મિટીંગની જાણ કરાશે. આ ટેબલેટમાં કેન્દ્ર-રાજ્ય સરકારની જનલક્ષી યોજનાની માહિતી ઉપરાંત ફોર્મ હશે.

પક્ષના કાર્યક્રમ,સંપર્ક અને મંત્રી-ધારાસભ્યોના પ્રવાસની માહિતી પણ ટેબલેટથી જાણી શકાશે.પ્રદેશ કારોબારીમાં કેન્દ્રીય આરોગ્ય મંત્રી મનસુખ માંડવિયા, મંત્રી પુરષોત્તમ રુપાલા, દર્શના જરદોશ, દેવુસિંહ ચૌહાણ અને મહેન્દ્ર મુંજપરા પણ ઉપસિૃથત રહેશે. ટૂંકમાં ભાજપે મિશન 2022ની તૈયારીઓ આરંભી છે અને સાંસદો,ધારાસભ્યોથી માંડી ભાજપના હોદ્દેદારોને ચૂંટણી કામે લાગી જવા સજજ કરાયા છે.

from Ahmedabad News - Gujarat Samachar : World's Leading Gujarati Newspaper https://ift.tt/3t0s6hQ
via IFTTT